تازه آلن گوک رنکلی جاکتینی گینیب عطرلر سئپیب گولیم سئراب آینا باقا غارادی. بیر ایکی غادام آینه دن اؤزاق لاشیب ینه دن دؤنیب آیینه ده اوزینی گوردی. بویله غارامانه دوام بیردی. اؤزینی آینه ده گوریورن محالی، دیل لری بیلن بیرنارسه نی ائشدیر ائشدیریلمز ایدیب پئسسل دییورتی. تیلفونینی آلیب ساعتینه غاران محالی 20 دقیقه یالی قرارینه وقتینینگ غالان لیغینی بیلدی.
اونینگ کوپ بیقرار لیغینی گؤریب اتاق داشی، خیریت دیر مراد بو گیجهنی هم اوخلامان اؤتیردینگ و ایرتیردن هم قرار سیزلیق بیلن حاضرلیک آلیورسینگ، دیدی. مراد، گؤلیم سئراب حاضر کوپ گیج غالدیم، دؤنسم گپلاشرس دییب، اتاق دن چئقدی.
اؤنی مونچهلیق هیجانلی ایدیب، گیجه اویقوسینی غاچئران تیلفوننداکی پیامینه یول دوامینده غارییورتی. اؤل پیام سلما دن گیلن تی. سلما پیامینده، مراد دن شهر مرکزینده بیر کتابخانه ده بیرلیکده درس اوقیمانی ایستان تی. مراد کتابخانه یتیشدی. اویان بویان غاره دی. کتابخانه نینگ بیر بورچینده اوتیرن سلما گوزی دوشدی. بیر سئللم دؤردی. یورهگی نینگ تیزراک اؤریشینی حس ایتدی، مراد. کوپ گیج غالیب دیرن دییب ساعتینه باقسه، عینی وعده ایدن زمانی یتیشدیگینی آنگلادی. گولیم سئراب سلما نینگ یانینه باردی. سلام لاشدی لر. گیچ غالادیم یالی دیدی، مراد. یوق مین هم بیراز اونگ گیلدیم، دییب جواب بیردی، سلما.
مراد اؤران هیجانلی تی. اونینگ اوزی بیلن کتاب دیر قلم گئتیرمادیگیندن بللی تی. یونه کتاب آچیلمادن سوز آچیلدی. بوگون ایرهتین بیر گون تی. داشاری ده رنگکلی رنگکلی گوللر آسیلان و کابیر سیؤگیلی لر هم بیر الینده یارینینگ اِلی باشغه بیر الینده یارینینگ بیرن گلی بیلن سرک لرده تیمار بیریب گیزیور تیلر. بوگون سکیز مارچ عیال غیزلرینگ گونی تی.
مراد و سلما نینگ اوتیرن "کتاب و قهوه" آدلی کتابخانه دن داشاری گورینیورتی. اولر شیشه دن داشارا باقدی لر. بیر ییگیدینگ تؤرلی رنگکلی بالون لر "یللمه لر" و بیر دسته گلی سیؤگیلی سینه، سرک اوستینده، هودیرلایشینی گوردیلر.
سلما گؤلیم سئراب "گور انسانلر نه قدر یالانچی و آلداوچی" دیدی. مراد حیرت بیلن اونی دینگله دی.
سلما سوزینه دوام بیردی. "جماعه انسانلرینگ گئرچک حقینی، آیرهتین گونلره باغلایور: عیال لر گونی، ایرکک لر گونی، انسانیت گونی، عشق گونی، حرمت گونی...
بولر هردایم بیزلرینگ حقیمیز. نامه اوچین ایرهتین بیر گونه باغلانسین؟ یونه جماعه اؤران هم آلدایجی. جامعه بیزلر اوچین هر گون بیر عیال صفتینده حرمت ایتمانه حاضر دال، شونینگ اوچین ایرهتین بیر گون بیللی یور، تا کییم بیر شکلده بیزلاری راضی ایتسه. مونی بیلمه دیک لر هم بیر گون هم بولسه جامعه اولره حرمت ایتدیگینی گمان ایتیورلر. یونه اگر دقت ایدیلسه بول ایشینگ اوزی انسان لر اوچین سایغی سیزلیق. جماعه بول ایش بیلن عیال لرینگ اساسی و گئرچک حق لرینی بیردیگینی منت ایتیور. " گور بیزلار قنچه لیق شرافتلی که سیزلرینگ شرافتینگیزه حرمت ایتیدیک" دییور. بول ایش اوچین ال قارسیون انسان لر هم اوزلری نینگ سایغی سیز بولدیغینه اِل قارسیورلر. باتی "غرب" دنیاسینده بیر گون "انسانیت" گونی دییب بار. اولی کمپنی لر هردایم انسان لردن بیر غُل یالی فایده لنیورلر. انسان لر اؤل کمپنی لرده هرگون انسان دال لر. اولر اوچین بیرگون بولماسی لازم تا کییم اولره انسان یالی دؤرانسین لر و سایغی بیرسینلر. دینگه بیرگون!
نامه اوچین که اگر هرگون اولره انسان یالی دؤرانسه لر، غضب لانیب بیلمزلر بول سبب دن اولردن ایش آلیب بیلمه یورلر. مین بول ایشی انسانینگ شرافتینه سایغی سیزلیق دییب دوشینیون. انسان هر گون انسان. نامه اوچین اونینگ ذات و گئرچکلیگی بیرگونلیک بولسین؟ یونه اولر بویله جه آلدی یورلر".
مراد سلما نینگ سوزلریندن تائیرلندی. اونینگ سوزی دوامینده باشینی آشاق یوقاری ایدیب اونینگ بیلن غوشیلیون لیغینی بیلدیردی. مراد، گارسونه باقیب ایکی "لاتته قهوه" گئتیرمه سینی ایسته دی. سفارش دن سونگ سلما دن "لاتته قهوه" بولر می؟ دییب سورادی. سلما مین هم کوپ لنچ لاتته ایچیون دیدی.
مراد، سلما نینگ مئنگزاشیک طغاملی قهوه سیودیگی اوچین بئگندی.
_____________
بیرینجی بولیم سونگی!
دوامی بار...