آه باللیم! سینینگ گئتجاگینگی بیلماسم بولمز تی می؟ اگر اؤلجاگیمی بیلسنگ گئدرتینگ می؟ بول گئزک گیتمانگ یالان دال میشن. اونگ هم بیر مراتبه گئتدینگ یونه ینه دؤندینگ. ایندی گیئتمز دییب دوشینیورتیم. سین گیئتمانی بیلیورسینگ می یاده غالمانی بئجریب بیلنگ یوق می؟ مین بول یاغدایا سزاوار تیم می؟
سین مینینگ حیاتیمینگ شیرین لیگی تینگ. اؤل تادی آلیب گیئتدینگ بول یوزدن سانگه باللیم دییورن. مین حیاتیمی یوغالتدیم. مین حیات دن واز گچئب بیلجاک یونه اولیمه هم جسارت ایدیب بیلمه جک بیر انسان بولیب غالدیم.
آه باللیم! عشق دن ائشدن هیجانیمیز گییملرینی کوپ اونگ محال دن باری اؤریب دیر. کاشکی گئلیب و عشقی ینه دن مانگه اؤرتسنگ. بیلیون لریمی یادیمدن چیقارمانی ایسته یون. سانگه تؤیس یورهگیمدن شعرلر یازمانی ایسته یون. انسانلر کابیر محال گوزینه کئچی گیلن شعرلرده اؤلان یورلر. مین باشغه هیچ بیر گیشی نینگ جسارت ایدیب بیلمه دیک ییردن "سیندن" عشقه باشلاب تیم.
عاشق ایتدینگ، کاشکی عاشق حالیمه غؤیب گیتسانگ تی. یورهگیمینگ ساده جه تسللاسی نامه بیلیورسینگ می؟ یغشی که مینینگ سیؤدیگیم یانی سیؤماب سینگ مینی، بولمسه سینی هیچ یورهگیمدن چیقاریب بیلمز تیم.
بوگونلر اؤران حالیم خراب باللیم! آیدیم بولسام دینگلانمن، شعر بولسم هم اوقوئلمن. گیتمانه زمین حاضرلان سوزلرینگ عقلیمه گیلیور، سینی قرض آلانیم یانی، "گونی گیلسه گئدیرن" دییورتینگ و اُمسم بولیورتینگ. سین عشقی یانگلیش آنگلاب سینگ. عشقی یانگلیش آنگلانلر گئچیریون هر بیر عشقینده خوش بولیورلر. سینی مانگه گئتیرن عشق، سینی میندن گئدیرسه، ایکی میزینگ آرامیزده بیر یانگلیشلیق بار دیئمک دیر.
هی اؤنیم بیرمه! بیرلیکده یاشان یکهسیزلیگیمیز، آیریلدیق دن سونگ ایچینه دؤشن غارامه غرشی لیقدن گوره کوپراک غارامه غرشی تی.
ممکن هم کوپراک اؤزلمئک ایچین گیتدینگ؟ یونه سین یوراگیمینگ سونگقی کوچه لرینه هم گیئرنگ یوق تینگ. انسانلر گئتمادیک ییرلرینی گئدن ییرلرینده اؤزلار می؟ یا ها مینی سیؤمهدن گوره هم مینی اؤزلمانی کوپراک یغشی گوردینگ؟ کاشکی سینی تانیمان الدن بیرسم تیم... او زمان نامانی الدن بیردیگیمی هم بیلمز تیم؛ عینا نامانی اله گئتیردیگیم یالی. بویله بولسه آزراق آجی چئکرتیم.
سینی یورهگیمه یازان وقتیم کئملری بول یورهک دن اؤچئرهنیمی کاش بیلسنگ تی... هر نه بولسه دام، سین مینینگ بئجرن اینگ گوزل خطالریمدن سن. ایستادیگینگ یانی بولیب بیلمه دیم، حتا راضی بولرینگ یانی هم بولیب بیلماب دیرن. عشقه ائدن قسم لریمینگ سینده دؤلمه سینه سبب بولن گیشی سین. اصل درد، علاج دییب بیرن لرینگ تی. بئرن لرینگی هم آلیب گئتدینگ. حاضر بیز عینی شعرینگ فرقلی سطرلری بولیب غالدیق.
عشق اگرده بیر اؤریشه گئیرسه اؤریشی غازانن یکه لیک بولر، باللیم! عشقه باشلان وقتیمیز دینگه ایکی گیشیلیک بیر ییرینگ اطرافینه دیوال اؤریورس. عشق بیتان زمانی هم اول دیوالینگ ایچینده یس یکه بولیب غالیوس. عشق ایچیمیزداکی اؤلی بوشلیق لری دؤلدیرجاق یانی بولیب گیلیب، کوپراک بوشلیق لر دؤره دیب گیتیور. یولینگ سونگینه گیلانینی یولدن آنگلاب ینه هم تازه یول لر آختاریورس.
هووه باللیم! سین مینینگ سؤیلانلریمدن گوره کوپراک سؤیلامک ایسته یون لیغیمی گور. سینی بوَلانینگ یالی گوریب بیلمه دیم یونه بیر گون گورهنیم یالی بولماغینگ مینینگ ایستهگیم. سانگه بیلمه دیک لرینگی یازدیم یونه سین بیلیون لرینگی اوقه دینگ. میلی، مینینگ هم خطالریم بولان دیر. مونی هم اؤرندیم ایکی عشق بیربیرلرینه آغیر یاره بیریب بیلجک ایکنی. منینگ اچین اؤیلان لطفا؛ هیچ بولمسه سیؤیلانلیگیمی بو شکلده آنگلایین. یا بولمسه یادینگدن چیقارسانگ ده بولر، میلی! اونگدن هم هیچ قدریمی بیلمه دینگ. یونه مین اؤنیدیب بیلمه یون سنی، عاشقلر قلبیندن چیقارن لرینی عقل لرینه یازیورلر. حق ایدن عشقیم سین دال لیگینگی ایندی بیلیون. یونه سین بولمه سانگ مونی هیچ بیلمیورتیم. ساغ بول باللیم.
ایندی باشغه بیرینگکی بولانی نامه اوچین مینی مونچهلیق یارهلی ایتیونلیغینی دوشوندیم. اونینگ بیلن غیسغه وقت یاشاب تیق. مانگه کوپ محال لاب یار بولمسه هم باشغه بیرینگکی بولیشی نامه اوچین مونچهلیق مینی اؤزیور؟ توتومیم قنچهلیق اوزی بیلدیک اکنی!
گئچمیشی سونگ دوشوندیم. فکر ایتیون سِر اوییرده ایکن. مین اونی، اونینگ مینی سیویانی یالی سیؤمسم هم اول حیاتیمدن چیقاندن سونگ، هیچ کیم اونینگ یالی مینی سیؤمهدی. مین اونینگ بیلن سیؤلمانی اؤرهنیب و سیؤمانی یاددن چیقاریب تیم. انسان کوپ سیؤیگی نینگ آستینده غالسه غرشیسینداکی گیشی نینگ ایتیون سیؤیگی و فداکارلیق لرینی گورمانی اؤنیدیب راحت لنیور ایکنی.
ییللر اونگ تی. بیر یقین دوستمی الدن بیرن تیم. اونینگ اؤلیمیندن سونگ نورمال حیاتیمه هیچ دؤنیب بیلمان تیم. اونی کوپ ساغینیورتیم. اونینگ یوقلیغینده ال لریم اؤشییورتی. حمالا باشغه هیچ بیر زمان ائسسی بولماجاق یانی تی. عینی شول گونلرده آلیمه چیقدی. دوستلر اؤلندن سونگ هم آرقه داشی نینگ الیندن توتر دیدی و الیمدن توتدی. بیردن الیم ائسیدی. اونینگ بارمق لرنینگ سایه سینده رحمتلی دوستیمینگ ائسیلیغی حس ایتدیم. اول گوندن سونگ ال لریم هیچ اؤشیمه دی. بیریاشده تیق یونه اول حیاتینده مین ده گوره کان راک تجربهلی تی. بیرگون مینی سؤیانلیغی آنگلاتدی. هیچ بیر نارسه دییب بیلمه دیم. اینگ دوغریسی نامه دیجاگیمی بیلمه دیم. حالا هم گئچن ده عقلیمدن چیقمادیق بیری بار تی. گئچیرن وقتلریمیزی یاده دوشیریب یاده دوشیریب، خوش بولیونیم بیرسی...
اونگکی سؤیگی یادیمه دوشان وقتی راحتسیز بولیور تیم. کابیر یاغدای لری دیله گئتیریب بولن یوق. یونه اول هردایم مینینگ دردیمی آنگلایورتی. گئچمشی یادیمه سالان وقتیم " اگر گئچمش یغشی بولسه، گئچمز تی" دییب مانگه غراب گولیمسه یورتی. مین بولسه کهنه بولمه یون بیر کهنه سؤیگا باغلی تیم. ممکن هم بوگونه چللی خوشلیق لریم آز بولانی اوچین گئچن گونلرینگ خوشلیق لرینه باغلی تیم...
بیرگون مینی گئچمشیمدن تارتیب چیقاردی. بیر آغشام چاغی تی، اول گونی هیچ یادیمدن چیقارمان. آغشامه یقین بیرگون ساحل کنارلرینده یؤرییورتیق. تولقین سیس لری، آیتیون آیدیم لرینه همراهلیق ایتیورتی. بیردن دؤردیق. یؤزیمه غارادی و "آرامیزداکی فرق نامه بیلیور مینگ؟" دییب سوره دی. مین بول شعر و آیدیم لری سینینگ بیلن آیتیون لیغیمه خوش و سین بولسه گئچمیشینگ داکا سؤیلانینگ اوچین"
حیران غالیب تیم. حمالا منینگ ایچیمی اوقییورتی. حقیقت دن هم سؤیلان هر بیر شعریم اونینگ اوچین تی. سونگ یوزینی دینگیزه دؤندیردی.
"نامه اوچین بوگونینگی هردایم گئچمیش یادی بیلن اُمسم بولیب گچیریورسینگ؟" دییب سوره دی. جواب بیریب بیلمه دیم. بیراز اُمسم بولدیم. جوابه غراشیون یالی بولیب گوزلریمه غاره دی. "گئچمیشیمی سؤیان" دیدم. گؤلدی و "سین گئچمیشینگی دال، گئچمیشینگ داکی گئچمه دیک لری سؤیاسینگ" دیدی. سونگ آغیر آردیم لر بیلن یوریمانه باشلادی. ایزیندن سؤرهکلانن یالی بولیب گئتدیم. آردیم لری تیزراک بولدی. آرامیزداکی فاصله گیتدیگیچه کوپلیورتی. آرامیزده گورینمه دیک مسافه یانی...
چاپیب شانه سیندن توتدیم. یوزینی یوزیمه غاراتدیم. "مینی آنگلا" دیدیم. مین اونی یادیمدن چیقاریب بیلمه یون مین اونی یادلاب یاشایون. گوزلری دؤلدی. شمال ساچلرینی هریان سرپتی. الایده بیر گولیمسمه بیلن، اح یاشییورمیش؟ دیدی. ینه هم یوزینی دینگیزه غارادیب مینینگ آیتمادن قورقیون جوابیمی، مانگه اوزی بیردی. "یاشانگ یوق... سین باشغه بیری نینگ حیاتینده اولیب سینگ!"
اول گوندن سونگ عقلیم ییرینه دوشدی. بوگونیمی یاشه مانه باشلادیم. سونگ هرگونی خوشلیق بیلن گئچیردیم. حیاتینگ یوللرینی بیرناچه محال بیرلیکده گیزدیک. مانگه کوپ نارسهلر اؤرهتدی، انکار ائدیب بیلمه یون. اونینگ بیلن اؤرتاق غم و اوزگونلیگیمیز بار تی. یولینگ بیر ییرینده، آجی لریمیز بیربیرلریمزه دئگجک تی. غار دانه سی یالی بیر بیریمیزه دئگیرمان دوشئرمه لی تیک.
آجینی پایلاشتیق. یکهلیگی... یونه او هردایم مینینگکینی... مین اونینگ یکهلیگینه هیچ اؤرتاق بولیب بیلمه دی. نامه اوچین که مین اونینگ یکهلیگی نینگ سبابی تیم. اونینگ سؤیگی سینه غرشیلیق بیرمان هرقنچه اونینگ یانینده بولسم شونچهلیق اونینگ یکهلیگی کئتتل یورتی. یان یانه گیلیب اونی گورمازیم یانی بیر اوزاقلیقده غالان تیم.
بو زمانه قدر آچیلان هر بیر ایشگی دوغری ایشیک بیلدیم. کوپ یانگلیش ایشیک لرینگ زنگ لرینی باسانیمی، کوپ گیچ آنگلادیم. اگر اؤل بولمسه تی مونی هیچ آنگلاجاق دال ایکنیم. مانگه اینگ کوپ ایدن محبتینی اؤزلییوریم. اینگ کوپ مینی باغرینه آلیشنی اؤزلییون اونینگ. باغرینه آلن وقتی ایسیچه محبت بیلن غیسیورتی اونی هیچ یادیمدن چیقاریب بیلمن. اگسیک آیتدیم؛ اؤل دینگه باغرینه آلان یوق تی، هر بیر باغرینه آلان محالی بیر یارامینگ اؤستینی یاپیورتی.
یانیمده وقتی قدرینی بیلمان اؤزاق بولان محالی اوزیمی اگسیک حس ایدن گیشیم اؤل. بول اگسیک لیگیمی اؤل زمان لر آنگلام یوق تیم. بوگونه چللی... مونی بوگون، اؤنینگ باشغه بیرینگکی بولان لیغینی بیلیب آنگلادیم. بوگون مانگه ودا خطینی بیریب گئدن بیرینجی ییلی تی. تازه بیر کتاب آلماق اوچین داشری چیقیب تیم. کتاب ساتیش مرکزده کوپ کتاب لرینگ سایه سینده بیر کتاب ینگ آدی گوزیمی چئکدی. "دؤرانم!"
بیردن ایکی ییل اونگه گئتدیم. هیچ بیر نارسه سینی خاطرله مسم هم اول ودا خطی نینگ باشلانغیچ سطرینی یادیمدن هیچ قچان چئقارمن. مانگه یازان اینگ سونگ مکتوبینده سلام "دؤرانم" دییب باشلاب تی. کتابینگ یازیجی سینه غاره دیم، اؤنینگ آدی تی یونه تخلصی دگئشن ایکن. سونگ کتابینگ آرقه سینداکی عکسه غاره دیم. هووه اؤزی تی. یعنی اؤیلانن ایکن. او زمان ایچیمده اؤلی بیر طوفان بولدی. ایچیمده آجی بیر آغری باشلادی. بول یوزدن آدینی آنگلان محالیم دال؛ سیؤآدی نینگ دگیشانینی گؤریب ایچیم یاندی.
اللریم تتره دی. کتابینگ بیرینجی صفحه سینی آچدیم. مانگه بیر ییل اؤنگ یازان مکتوبی بیلن بؤل کتابی باشلاب دیر:
" سلام دؤرانم...
بیرلیکده یؤران ساحلده من حاضر. یس یکه. قهوه ایچیون و سانگه بول مکتوبی یازیون. بول بیرینجی و اینگ سونگ مکتوبیم سانگه. گوزلرینگه بیرینجی گزک غرانیمده یار بیلن بیر بولان تیم. یار بیلن بیر بولمک سینینگ لغاتینگده آجی چکمک معنی سینده تی. البته آجی چکجک تیم. مونگه اونگدن حاضر تیم. اما اینگ اؤنیملی سی اؤنگه دئگجک بیر گیشی بولمالی تی. قنچه لیق خوش بولجاغیمه اینانیب تیم. قنچه لیق یؤرهگیمینگ ایسته گینه یتیشجاگینه اینانیب تیم. یونه غینانسام ده آجی چئکدیم.
سینی یغشی گوریش دؤویک بیر آینه غاران یالی تی. قلبیم گولسه هم یورهگیم طاقت سیز تی. گوزیمده دؤرمادینگ. سینی مانگه دؤندیرجاک یالانه هم ایشانمانه حاضر تیم. یونه هر زمان اوزیمه آیدیب و اؤزیمی ایناندیریب بیلمه دئگیم بیر یالان بولیب غالدینگ.
بیلیورتیم، هر زمان سین ایچینگده " الله یارینگی" سقلییور تینگ. شونده هم آیتمادان ساقلان مایین. مین سینی هر زمان سیؤدیم. هر بیر ایش ده خیر باردیر دیدیم. یونه هر بیر خیرینگ هم بیر قیمتی بارلیغینی بیلمه دیم. مین بول قیمتی گئتمانه مجبور بولیب اؤدی یون. ایندی سینده مین تؤکنیون، مینی هیچ بیر گشا سؤیلمه. مین هربیر گیشی نینگ گوزینده اؤزیمی بئتیرن. نامه اوچین مونچهلیق یکه من بیلیورسینگ می؟ نامه اوچین که انسان لری یغشی تانی یون. یالانی گوزلریندن آنگلایون. یالانچی لر کوپ گپلایورلر. یالانجی لر، کلیمه لر بیلن آچان یالان لرینی اُمسملیق بیلن اؤستینی باسیب گیتیورلر و گیدرلر. نامه اوچین که هرکیم اولرینگ یالان لرینه گیتیور و مین بولسه انانان لریمده غالیون.
کیملر مینی خوش ایتجک بولیب راحت سیز ایدن لیگینی کیم بیلر. یونه بولسین. مینینگ شعر آچن گل لریم بار تی. اؤلری باغره آلماق ینه مینی مین ایتیورتی.
یا اولر؟ هی اُنس بیرمه! کابیر انسانلرینگ دنیا ائینیشی هم اؤلیمه حساب.
سین مینی سیؤماسانگ هم هیچ بیر وقت اؤلردن بولمادینگ. سین آیری بیری تینگ. سینینگ آختاریب تاپیب بیلمه جک لرینگی تؤکادن بولسم هم یونه مین سینینگ معصومیتینگه عاشق تیم. سینینگ بیلن اؤلمک آنگساد تی و سیندن آیری یاشاماق هم حرام. بولری بیلیب بیلیب اؤزیمی یکه لیگینگ غوجاغینه آتدیم. سین سیزلیگینگ یانینده یکهلیک هم هیچ بیر نارسه دال.
بیلیون غاران هر بیر ییرده ایزلریم بولجاق. یونه بئل که هر ییرده بولماسانگ هم مینینگ اوچین هر ییر سین سینگ.
بولاری سانگه یازدیم اما سین بولر دال سن. سن یازان لریمدن اؤران یوقاری و یازمادیق لریمدن هم جدا توصیفلی سن. بول چئکیون آجی لریمیز نامه نینگ خاطره سی؟
کان دال، اؤزین سیؤمانی ایستان تیم. یونه سین مینی اِنام یالی سیؤدینگ. ایندی اؤیله هم سیؤمه! نامه اوچین که ایندی مین اونگکی مین بولیب بیلمه یون. غرشی آلینمادیق عشق ینگ لکه سی گوز یاش لر بیلن هم پاک بولان یوق. بول یوزدن ایندی گئتمه لی بولدیم. ینگیلدیم. سینی ترک ایتجک دال؛ دینگه اوزیمی سیندن محروم ایتیون. سوز بیریون! سین هیچ فرقینه بارماسانگ هم، سینینگ بیلن بیرلیکده غؤران خیال لریمیزی باشغه هیچ بیر گیشی بیلن یاشه میون، یاشه میون. مین سینی باشغه سیؤدیم، باشغه لری سینی سیؤنیم یالی هیچ قچان سیؤمن.
بول مکتبوبی بیر قنچه ساعت سونگ سانگه بیرجک. ینه هم سیؤنینگ یالی باغریمه سینی غیسجاق. آرقانگه دؤنیب دؤنیب غارانینگی گوریب بیلماجگیم اوچین سانگه ال بیرمان گئتجک. آرقه دؤنیب باقسانگ گئدیب بیلمن.
بیرلیکده یؤران ساحلده دؤرانم. قهوه می یکه ایچیون. قهوه یکه لیق بیلن ایچیلر بیلیون.
آخ حیات! سینده بیر یانگلیشلیق بار...
خوش غال دؤرانم..."
ائچیم سیزیلیب سیزیلیب اوقیدیم خط لری. اؤ زمان هم اوقاب تیم، یازیلن هر بیر نارسه عینی. یونه مونچه لیق ایچیمی دیلمان تی. الیمداکی کتاب بیلن دکانینگ اؤرته سینده غالان تیم. سونگ بیر دکان جواب کاری یانیمه گیلدی. "ایسته سینگیز کتابی امضالادیب بیلرسینگیز، بوگون یازیجی نینگ امضا آتمه گونی" دیدی. آرقه طرف داکی کوپ چیلیگی گورکزدی. اؤنگه دوغری غاره دیم. دیم دیک اونگیمده تی. بیر میزینگ آرقه سینده کتاب لرینه امضا آتیورتی. یوزینده آغراملی بیر گولکی بار تی. قلبیم ییریندن چیقان یالی بولدی. یانینه باریب ییللر اونگ مینی باغرینه آلانی یالی اونی باغریمه آلمانی ایسته دیم. اؤنگ بیر ایکی آردیم یقینلاشدیم. بئجریب بیلمه دیم. یوره گیمی یاقان سؤیآدی عقلیمه گیلدی.
اؤزاق بیر غپدالده ساخت لرجه اونگه غاره دیم. سونگ گیشا امضا آتیون محالی اؤییردن گیتمه محالیم هم گیلدی. گناه لی بیر گیشی یالی باشیمی اؤنگه ائنگیب داشاری چیقدیم. ایچری گیئرن محالی کتابخانه نینگ شیشه سینده یاپیشدیریلن، گؤرمادیک، پوستری گوردیم. ایشکارلرینگ باشغه یانه غاراب دؤرن محالی شیشه دن غوپاریب آلدیم. گولیمساب دؤرن پوسترداکی عکسینده بولر یازیلیورتی:
" یازغی لریمده، چارهسیزلیک لرینگیزه چاره آختریورسینگیز؛ مین بولسه چارهسیزلیگیمی یازیون، سیز اولری چاره سانییورسینگیز".